3 сентябрҙә, Терроризмға ҡаршы көрәштә теләктәшлек көнөндә, Республика Хәрби Дан музейы теракттарҙа һәләк булғандарға һәм заложниктарҙы ҡотҡарыуҙа ғүмерҙәрен биргән батырҙарға арналған 11-се тапҡыр «Үлемһеҙ торналар» хәтер сараһын үткәрҙе.
2015 йылдан йыл һайын үткәрелгән йолаға әүерелгән сара Рәсәйҙең яҡын тарихындағы иң фажиғәле даталарҙың береһе — Терроризмға ҡаршы көрәштә теләктәшлек көнөнә арналған. Был көн рәсми рәүештә Беслан фажиғәһе (2004 йылдың 1—3 сентябре) иҫтәлегенә булдырыла, сөнки мәктәптәге ҡамауҙа 334 кеше, шул иҫәптән 186 бала һәләк була.
Уҡыусылар һәм студенттар махсус һәм контртеррористик операцияларҙа ҡатнашыусылар, Чечен һуғышы ветерандары, Ғәҙәттән тыш хәлдәр министрлығы ветерандары, Рәсәй милли гвардияһы ағзалары, махсус хәрби операцияла ҡатнашыусылар менән осрашты. Ҡунаҡтар үҙҙәренең тәжрибәһе менән уртаҡлашты, тыныс халыҡты террор хәүефенән һаҡлауҙың мөһимлеге, уларҙың ил алдындағы бурысы, башҡаларҙы ҡотҡарыу өсөн ғүмерҙәрен биргәндәрҙең батырлығы хаҡында һөйләне.
Студенттар экстремаль хәлдәрҙә нисек эш итергә өйрәнде. Осрашыу ваҡытында теракт ҡорбандарын бер минут тынлыҡ менән иҫкә алдылар.
Сара Лиана Каретникова башҡарыуында музыкаль композициялар менән үрелеп барҙы.
"Үлемһеҙ торналар" инсталляцияһы Бесланда һәләк булғандар иҫтәлеген символлаштырҙы.
Хәтер сараһының төп мәғәнәһе: терроризмға ҡаршы көрәш – разведка һәм хоҡуҡ һаҡлау органдарының ғына эше түгел. Ул һәр беребеҙҙең бурысы. Хәүефһеҙлек беҙҙең иғтибарлы булыуҙан башлана.
