Республика Хәрби Дан музейы мәктәп уҡыусыларын 1941–1945 йылдарҙағы Бөйөк Ватан һуғышы тарихына һәм Махсус хәрби операцияға арналған экскурсияларға һәм мәҙәни-ағартыу программаларына саҡыра.
Музейҙа бай экспозиция бар. 14 500-ҙән ашыу экспонат: яугирҙәрҙең шәхси әйберҙәре, ҡоралдар, наградалар, көндәлектәр һәм фронт хаттары, трофей материалдары тупланған. Музей урынлашҡан парк майҙанында хәрби техника ҡуйылған.
Шулай уҡ музей экспозицияһында Махсус хәрби операция зонаһынан килтерелгән экспонаттарҙы, мультимедиялы экрандарҙы һәм «Рәсәй. Донбасс. МХО» даими күргәҙмәһен күрергә мөмкин.
Мәктәп уҡыусылары өсөн төп экспозиция буйынса дөйөм һәм тематик экскурсиялар,
музей программалары, командалы интеллектуаль уйындар һәм викториналар, Башҡортостанда тыуып үҫкән геройҙар тураһында лекциялар тәҡдим ителә.
Күсмә программалар — музей һеҙҙең мәктәпкә лекция, күргәҙмә һәм интерактив менән килә ала, теманы исемлектән һайларға мөмкин.
Адрес: Өфө ҡалаһы, Комаров урамы, 7 (Еңеү паркы, «Еңеү паркы» туҡталышы).
Эш режимы: шишәмбенән йәкшәмбегә тиклем 11:00-ҙән 18:00-гә тиклем, дүшәмбе — ял көнө.
Экскурсияға яҙылыу өсөн телефон: 8 (347) 260-44-64.
Республика Хәрби Дан музейына ихлас саҡырабыҙ!
