1941 йыл башланыуға БМ-13 хәрби машинаһы сығарыла. Бөйөк Ватан һуғышы йылдарында ул беренсе тапҡыр Орша янындағы ҡаты алыштарҙа – Смоленск һуғышында ҡулланыла. Ошонда, 1941 йылдың 14 июлендә, капитан А.И. Флеров етәкселегендәге ете БМ-13 машинаһынан торған батарея дошманға ҡаршы беренсе залп бирә.
Һуғыш йылдарында реактив ҡулайламалар киң үҫеш ала. Калибры 132 һәм 300 миллиметрлыҡ снарядтар өсөн 24, 36, 48 йүнәлткесле ҡулайламалар барлыҡҡа килә.