Стәрлетамаҡ, Өфөнән ҡала, тағы ла бер ҙур сәнәғәт үҙәгенә әүерелә. Ике ай эсендә Стәрлетамаҡ машина-трактор оҫтаханаһы нигеҙендә Ленин исемендәге Одесса станоктар эшләү заводы ойошторола. Һуғыш осоронда ябай быраулау станоктарынан тыш, ҡатмарлы радиаль-быраулау, алмас ярҙамында ҡырыу, тәрәнтен быраулау һәм башҡа, йәмғеһе 30-ға яҡын төрҙәге, яңы станок үҙләштерелә. Артиллерия туптары һәм Уралдағы танк заводтарының береһе өсөн 40-тан ашыу деталь сығарыла башлай.